المستقبل البترولى
بأقلامهم

لقطات من ذاكرة 30 يونيو 2013

د. الشوادفي منصور

الحقيقة كلما تعود بي الذاكرة إلي يوم 30 يونيو 2013؛ لا اصدق ان هذا الشعب لديه هذه القدرة الجبارة علي تحقيق المستحيل؛ بازالة حكم ديني فاشي تمكن من كل ادوات الدولة ومفاصلها خلال عامين منذ 2011 في اقل من 48 ساعة.

فجر 29 يونيو متوجها إلي مطار القاهرة لحضور المؤتمر السنوي للجمعية الروسية للنيماتودا والهم راكبني ياتري ايه اللي هايحصل للبلد؛ السائق مقال سيادتك اليوم في اخبار اليوم شديد علي الاخوان؛ الرئيس مرسي ياعم محمد والجماعة دول مابيتعلموش من التاريخ؛ ونسيوا اللي حصلهم في 1954 ايام عبد الناصر؛ ” انا باقولهم ان التاريخ بيعيد نفسه” ويبدو ياعم محمد ان البرش وسجن العقرب وحشهم؛ فانا بافكرهم لا اكثر ولا اقل؛ جهل وعدم خبرة في اي حاجة؛ الرئيس طالع يقولك الحمد لله السنة دي عندنا اكتفاء ذاتي من القمح والمانجة مرطرطة في الاسواق والخير علي قدوم الواردين. ووزير الزراعة بجواره مبتسم؛والمصيبة مصدقين نفسهم. 

ياراجل احنا مسافرين وخايفين حد يطلع علينا ياخد مننا العربية؛ لا امن ولا امان ولاجاز ولا بنزين ولا كهرباء واحنا في عز الصيف وكله كوم وسيناء كوم؛  سيناء ياعم محمد خارج السيطرة؛ والحل يادكتور : ربك قادر علي كل شئ ” من يتق الله يجعل له مخرجا ”  وبيقولوا الناس هاتطلع بكرة 30 يونيه؛ وبتوع تمرد بيقولوا معاهم توقيعات 23 مليون استمارة  برحيل مرسي؛ الا حضرتك وقعت علي الاستمارة دي؛ فعلا زميلنا الدكتور فرحات بتاع الارشاد الزراعي جابهالي ومضيتها؛ وقالي الزملاء في الجامعة لماتشوف توقيع حضرتك هاتوقع عليها؛ قولتله ماشي ياعم فرحات؛ اذا كان توقيعي هو اللي هايزيح الكابوس ده؛ لابأس…عشر توقيعات مش واحد. 

باقولك ايه يا عم محمد: ماتروحش المنوفية الا لما تفول العربية بنزين بأي طريقة والجركنيين اللي معاك؛ المنوفية مافيهاش بنزين؛ والنبي يادكتور: طمني؛ هو الجيش ممكن ينزل؛ الجيش ياعم محمد عمره ماتأخرعن مصر ابدا؛ وان شاء الله نرجع نلاقيهم غاروا؛ يسمع منك يادكتور..يارب ! وللحديث بقية باذن الله..وتحيا مصر.

موضوعات ذات صلة

هبه زكي تكتب: وعين الحب..المودة والرحمة

Dalia

عناوين فاضحة بمعرض الكتاب

المستقبل البترولى

خالد النجار يكتب فى الأخبار: الملا .. اكتشافات جديدة ومشروعات واعدة.. بترومنت وصان مصر واستثمارات القابضة للبتروكيماويات

المستقبل البترولى

مِنْ حَكْىّ الواقع البترولي…أحمد الغرباوي

المستقبل البترولى

كن أنت ..ياسمين الجاكي

المستقبل البترولى

عزيزي المواطن المصري.. انظُر حولك

المستقبل البترولى

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy